Recientemente, nos Directora, Dalgis Montalvo, y nos CFO, Randall van Trigt, a tene un reunion cu formadornan di e posibel gabinete nobo di Aruba pa comparti nos vision y plan pa futuro di cuido mental basico y recuperacion di adiccion.
Na Stichting Hunto, nos ta dedica na duna un cuido integra, accesibel y dirigi riba e cliente, promoviendo recuperacion y reintegracion social di calidad den salud mental y adiccion na Aruba.
Pa sigui fortalece nos servicio y amplia nos alcance den comunidad, nos ta trahando riba e siguiente iniciativanan:
✅ Mobile Outreach Care: Un bus pa acerca y duna asistencia na esnan cu ta den necesidad.
✅ Multidimensional Family Therapy: Un enfoke holistico pa yuda famia den proceso di recuperacion.
✅ Neurodevelopmental Team: Un ekipo specialisa pa trata cu bienestar mental y desaroyo di nos comunidad.
✅ After Care & Home Guidance: Apoyo continuo pa mantene un bida stabil despues di recuperacion.
E reunion tabata un oportunidad valioso pa intercambia ideanan y busca colaboracion cu e meta conhunto di eleva e calidad di cuido mental basico y recuperacion di adiccion na Aruba.